Mantementos preventivos
Contratos de mantemento de maquinaria por cliente, con aviso por data ou por horas de funcionamento
Un contrato de mantemento recolle que máquinas dun cliente revisas e cada canto: cada tantos meses, cada tantas horas de funcionamento ou o que chegue antes. Sattotal calcula cando lle toca a cada máquina, avísate coa antelación que escollas, permíteche programar a visita desde o propio contrato e, cando a visita se finaliza, deixa a máquina ao día sen que teñas que tocar nada. Atópalo no menú lateral, en «Mantementos», xunto a Visitas.
Módulo dos plans de pagamento
Os contratos de mantemento non entran no plan gratuíto: no plan Free a páxina amosa o cadeado e a invitación a mellorar de plan. Ademais, cada membro do equipo necesita permiso no módulo «Mantementos» (Configuración → Equipo).
Crear un contrato
Desde «Mantementos» → «Novo contrato», ou desde a ficha dunha máquina con «Crear contrato», que chega co cliente e a máquina xa escollidos.
Cliente e nome
Escolle o cliente e ponlle ao contrato un nome que se entenda na lista, por exemplo «Revisión anual dos compresores». Ao gardalo recibe o seu número, do tipo CM-2026-000001.
Vixencia e técnico
A data de inicio é obrigatoria e a de fin, opcional: pasada a data de fin, o contrato deixa de avisar. O técnico habitual é o que se propón ao programar as visitas.
Máquinas e intervalos
Engade as máquinas do cliente e, para cada unha, cada cantos meses, cada cantas horas ou as dúas cousas. Indica tamén cando foi o último mantemento e con cantas horas; se non o sabes, cóntase desde o inicio do contrato.
Con canta antelación avisar
En días para os intervalos por data (15 por defecto) e en horas para os de horas de funcionamento (50 por defecto). É o que separa «Próximo» de «Ao día».
Cando lle toca a cada máquina
O contrato só garda a base: a data e as horas do último mantemento. O demais calcúlase cada vez que abres a páxina, coa data de hoxe e a última lectura do contador da máquina, así que o estado nunca queda vello.
Por data
Cada tantos meses desde o último mantemento. Respéctanse os finais de mes: unha revisión mensual que comezou un 31 de xaneiro toca o 28 de febreiro, non o 3 de marzo.
Por horas de funcionamento
Cada tantas horas desde as que marcaba o contador no último mantemento. Só se ofrece nas máquinas con contador de horas (os tipos da rama de maquinaria industrial).
O que chegue antes
Cos dous intervalos, a máquina vence en canto se cumpre un deles: un compresor que se revisa cada 6 meses ou cada 2.000 horas vence aos 6 meses aínda que traballase pouco, ou antes se fai moitas horas.
Sen horas de partida non se avisa por horas
Se non indicas as horas do último mantemento, o intervalo por horas non se pode calcular e non avisa: é mellor non avisar ca avisar sen fundamento. En canto se finalice unha visita con lectura, o contrato xa ten a súa base.
Estados
Cada máquina ten o seu estado, e o contrato amosa o peor das súas máquinas. Na lista de contratos ordénanse co vencido primeiro.
Xa pasou a data ou superáronse as horas. Hai que programar a visita canto antes.
Aínda non venceu, pero está dentro da antelación do contrato: faltan menos días ou horas dos que puxeches para avisar.
Revisada e lonxe do seguinte mantemento.
O contrato está dado de baixa ou pasou a súa data de fin. Non avisa, pero conserva todo o seu histórico.
Vista previa — Ficha dun contrato
CM-2026-000001
Mantemento preventivo da planta
Mecanizados do Miño, S.L.
Máquinas
Atlas Copco GA 30 VSD+
Nave 2 · sala de compresores
Cada 6 meses · Cada 2000 h
Toca o 12/09/2026 · Toca ás 12.600 h (agora 12.450 h)
Programar visitaLinde E20 PH
Almacén de materia prima
Cada 12 meses
Toca o 29/10/2026
Programar visitaHimoinsa HFW-60 T5
Exterior, xunto ao cadro xeral
Cada 6 meses · Cada 250 h
Toca o 09/03/2027 · Toca ás 1.430 h (agora 1.250 h)
Programar visitaProgramar a visita e pechar o mantemento
Os contratos non crean visitas sós: ti decides cando ir. Sattotal déixache todo preparado para que sexa un clic.
Botón «Programar visita»
Na ficha do contrato, cada máquina ten o seu botón. Abre o formulario de visitas de sempre co cliente, a máquina, o tipo «Mantemento» e o contrato xa enchidos; só queda poñer a data, a hora e o técnico. Se a máquina xa ten unha visita aberta, no canto do botón ves esa visita coa súa data.
As horas, na visita
No modo traballo da visita, o técnico anota o que marca o contador en «Horas de funcionamento». A lectura pasa ao histórico da máquina ao finalizar a visita, non antes.
Ao finalizar, a máquina queda ao día
Cando se finaliza unha visita do contrato, a súa máquina pasa a ter o último mantemento coa data de hoxe e as horas tomadas na visita (ou, se non se tomaron, a última lectura que tivese). Volve a «Ao día» soa e calcúlase o seguinte vencemento.
Mantementos feitos
A ficha do contrato lista as visitas xa feitas coa súa data e o seu técnico, e o detalle de cada visita amosa de que contrato sae.
Avisos
Non fai falla entrar en Mantementos para enterarse do que toca.
Na campá
«N mantementos por facer», con ligazón directa á lapela de alertas.
En Alertas
A lapela «Mantementos» da páxina de Alertas lista as máquinas vencidas e próximas de todos os contratos vixentes, o máis urxente primeiro, co cliente, a máquina e cando toca.
Na ficha da máquina
A tarxeta «Mantemento preventivo» amosa os contratos que cobren esa máquina, co seu estado e o seu próximo vencemento, e o acceso para crear un novo.
Só a quen lle serve
Os avisos saen unicamente se o plan inclúe o módulo e o usuario ten permiso en Mantementos: ninguén recibe avisos de algo que despois non pode abrir.
De onde saen as horas
As horas de funcionamento son as lecturas do contador que garda a ficha de cada máquina (tarxeta «Horas de funcionamento»). Rexístranse ao recibir a máquina no taller, ao finalizar unha visita ou a man desde a propia ficha, e o contrato usa sempre a última. Se unha lectura é menor ca a anterior, Sattotal avisa pero gárdaa, por se se cambiou o contador.
Dar de baixa e reactivar
«Dar de baixa» deixa o contrato «De baixa»: deixa de avisar, pero non se borra nin perde as súas visitas. «Reactivar» devólveo tal como estaba, coa mesma base de datas e horas.