Roles e permisos de usuario
Permisos por módulo para os técnicos, roles de administrador e xestión do equipo
Sattotal ten dous roles de usuario: Administrador e Técnico. O rol marca a fronteira principal: só os administradores entran en Configuración, xestionan o equipo e a facturación. Ademais, para cada técnico podes afinar módulo a módulo a que partes da aplicación accede e con que nivel. Todo se xestiona desde Configuración → Equipo.
Administrador
- Todo o que pode facer un Técnico, máis o seguinte
- Acceso a Configuración (organización, impostos, documentos, notificacións...)
- Convidar, ascender/degradar e eliminar membros do equipo
- Xestionar os plans e a facturación da organización
- Definir os permisos por módulo de cada técnico
Técnico
- Xestionar clientes e dispositivos
- Rexistrar entradas e crear reparacións
- Actualizar estados, subir fotos e notas técnicas
- Crear, enviar e aprobar orzamentos
- Xestionar entregas e sinaturas de conformidade
- Ver e responder as mensaxes dos clientes
- Sen acceso a Configuración nin a Plans/facturación
- O seu acceso a cada módulo decídeo o administrador
O rol marca o mínimo; os permisos afinan o resto
Por defecto, un técnico entra en todo o fluxo operativo (clientes, dispositivos, reparacións, orzamentos, TPV…) igual ca un administrador. A diferenza pola ti: cos permisos por módulo podes deixarlle unha sección só de lectura ou quitarlla por completo. Configuración e Plans quedan sempre fóra do seu alcance, bloqueadas no servidor.
Como asignar roles
Desde Configuración → Equipo, preme «Convidar», escribe o correo electrónico e escolle o rol nun despregable (Administrador ou Técnico): envíase unha invitación por correo. A alguén que xa está no equipo podes ascendelo ou degradalo desde a mesma pantalla, ou eliminalo por completo.
Permisos por módulo
Cada un dos 22 módulos da aplicación (Reparacións, Clientes, TPV, Facturación, Recambios, Almacéns, Traspasos de stock…) admite tres niveis independentes para cada técnico. Os administradores teñen sempre acceso total e non aparecen nesta pantalla.
Sen acceso
O módulo desaparece do menú lateral. Se o técnico escribe o enderezo a man, ve unha pantalla de «Sen acceso» en lugar do contido.
Só lectura
Pode consultar a sección, pero non crear, editar nin eliminar nada. Aparece un aviso na parte superior e o servidor rexeita calquera intento de gardar.
Acceso total
Comportamento normal, sen restricións. É o nivel por defecto: mentres non toques nada, todos os teus técnicos o teñen en todos os módulos.
Diálogo de permisos dun técnico
Permisos de acceso
Define a que partes da aplicación pode acceder Marta.
Vendas
7 de 9 con acceso
Os cambios poden tardar ata un minuto en aplicarse. Os administradores teñen sempre acceso total.
Como asignar permisos
Abre o menú do membro
En Configuración → Equipo, preme os tres puntos da fila do técnico e escolle «Permisos». A opción non aparece nos administradores.
Axusta módulo a módulo
Os módulos veñen agrupados igual ca no menú lateral (Fluxo de traballo, Vendas, Xestión, Sistema). Cada fila ten tres botóns: sen acceso, só lectura e acceso total.
Usa os atallos se vas restrinxir moito
Os botóns «Todo: sen acceso» e «Todo: só lectura» aplican un nivel aos 22 módulos dunha vez; despois só tes que abrir os que si lle queiras conceder.
Garda
O botón Gardar actívase en canto hai cambios. O técnico verá o seu menú actualizado en menos dun minuto, sen ter que pechar sesión.
Por defecto, acceso total
Só se gardan as restricións que aplicas. Un técnico ao que nunca lle tocaches os permisos ten acceso completo a todo, e se volves poñer todos os seus módulos en «Acceso total», a restrición bórrase por completo. Non hai que configurar nada para que un membro novo funcione con normalidade.
Que protexe exactamente
Os módulos en «Sen acceso» desaparecen do menú e as súas páxinas quedan bloqueadas, e en «Só lectura» o servidor rexeita calquera creación, edición ou borrado. Ten en conta que algunhas listas se comparten entre seccións —por exemplo, a de clientes úsase tamén ao crear unha reparación—, así que ocultar un módulo non sempre oculta ese dato no resto de pantallas onde o técnico si traballa.
Editar os datos dun membro
Desde o mesmo menú de tres puntos, a opción «Editar datos» permite completar a ficha do técnico. É especialmente útil cando alguén acepta a invitación sen cubrir o seu nome: ata entón aparece na lista só co seu correo electrónico.
- Nome e apelidos, que substitúen os da súa conta na lista do equipo e nos selectores de técnico
- Teléfono de contacto interno
- Cargo ou posto, que se amosa baixo o nome na lista do equipo
- Foto de perfil (JPG, PNG, WebP ou HEIC, ata 5 MB), que se recorta e optimiza automaticamente
- Interruptor «Membro activo»: ao desactivalo deixa de ofrecerse como técnico dispoñible, pero non se elimina da organización nin se perde o seu histórico de reparacións
- O correo electrónico non se pode cambiar aquí: pertence á conta persoal de cada usuario
- Nómina mensual: o custo total para a empresa (bruto + Seguridade Social a cargo da empresa). É confidencial —só a ven os administradores— e alimenta o Panel de vendas (consulta esa sección)
O último administrador está protexido
Se na organización só queda un administrador, as opcións «Quitar administrador» e «Eliminar» aparecen desactivadas na súa fila. Sen ningún administrador ninguén podería volver entrar en Configuración, Equipo nin Plans. Para poder degradalo ou eliminalo, ascende antes outro membro a administrador.