Sattotal xa se instala como unha app, sen tendas
Coa súa icona na pantalla de inicio ou no escritorio, a pantalla completa e sempre actualizada. Instálase desde o navegador en poucos segundos, no móbil, na tableta e no ordenador.
Moitos talleres preguntástesnolo: «tedes app?». Ata agora a resposta era «funciona desde o navegador». Desde hoxe é mellor: Sattotal instálase como unha aplicación máis no móbil do técnico, na tableta do mostrador e no ordenador, e ábrese coa súa propia icona, na súa propia xanela e sen a barra do navegador.
Así de rápido
Como se instala en cada dispositivo
Android
En Chrome, Edge ou Samsung Internet: menú do navegador → «Instalar aplicación». Ou aínda máis doado: o botón «Instalar» do aviso que verás enriba do Panel.
iPhone e iPad
Botón Compartir → «Añadir a pantalla de inicio» → «Añadir» (o iPhone e o iPad amosan os menús en castelán). Funciona en Safari e, desde iOS 16.4, tamén en Chrome e Edge.
Windows, Linux e Chromebook
En Chrome ou Edge, preme a icona de instalar da barra de enderezos ou o botón «Instalar» do aviso do Panel.
Mac
En Safari, menú Archivo → «Añadir al Dock…» (o Mac amosa os menús en castelán). En Chrome e Edge, igual ca en Windows.
A xanela de instalación do navegador
Instalar aplicación?
Sattotal · sattotal.com
Cancelar · Instalar
Non está en Google Play nin na App Store, e non fai falta: instálase desde o navegador, non pide permisos, apenas ocupa espazo e actualízase soa. Se ves unha app de Sattotal nunha tenda, non é nosa.
Desinstalala non borra nada. Só quita a icona dese dispositivo: as túas reparacións, clientes e facturas seguen en Sattotal, e podes entrar desde o navegador ou volver instalala cando queiras.
A app instalada abre directamente o Panel; se non iniciaches sesión, lévate ao inicio de sesión e despois ao Panel. É a mesma aplicación, coa mesma conta e os mesmos datos, así que precisa conexión a internet. Está dispoñible en todos os plans, tamén no gratuíto, e podes instalala en tantos dispositivos como queiras. Na axuda tes os pasos para instalala e desinstalala en cada sistema.